सोमवार, आश्विन ५ गते २०८३
आइतवार , आश्विन ४, २०८३
काठमाडौँ । धनकुटाको छथरजोरपाटी गाउँपालिका -३ बञ्चरेस्थित भित्री सडक खण्डमा आज बिहान टाटासुमो गाडी दुर्घटना हुँदा एक जनाको घटनास्थलमै मृत्यु भएको छ भने १० जना घाइते भएका छन्।
काजीमानेबाट धनकुटातर्फ आउँदै गरेको को। १ ज २४९४ नम्बरको गाडी आइतबार बिहान अन्दाजी ८:१५ बजेतिर ब्रेक फेल भई सडकबाट करिब ५० मिटर तल खसेको प्रहरीले जनाएको छ।
दुर्घटनामा परी छथरजोरपाटी गाउँपालिका-३ की ६० वर्षीया शोकमाया लिम्बुको घटनास्थलमै मृत्यु भएको हो।
प्रहरीले सबै घाइतेहरूलाई उपचारका लागि जिल्ला अस्पताल धनकुटा पठाएको छ।
.jpg)
