काठमाडौं । पूर्वप्रधानन्यायाधीश चोलेन्द्र शम्शेर जबरालाई भेट्न मानव अधिकार आयोगको टोली अपराध अनुसन्धान कार्यालय टेकु पुगेको छ ।

गएराति अपराध अनुसन्धान कार्यालयको टोलीले महाराजगञ्जस्थित निवासबाट जबरालाई पक्राउ गरेको थियो ।आयोगको टोलीलाई कार्यालयका सुरक्षाकर्मीहरुले आधा घण्टादेखि गेटमा कुराएका छन् ।

अपराध अनुसन्धान कार्यालय टेकुका एसएसपी सन्तोष खड्काले पूर्वप्रधानन्यायाधीश चोलेन्द्र शमशेर जबरालाई ‘सुरक्षा थ्रेट’पछि कार्यालयमा ल्याएर राखिएको बताएका छन्  ।

मुलुकको पूर्वप्रधानन्यायाधीश अनि हाल अवकाश जीवन बिताइरहेका एक नागरिक समात्न प्रहरीले अपनाएको शैलीप्रति कतिपयले प्रश्न उठाएका छन् ।

देशको कानुन कार्यान्वयन गराउने संस्थाकै प्रमुख रहिसकेका हाइप्रोफाइल व्यक्ति कुन कसुर र के पुर्जीको आधारमा समातिएका हुन् भन्नेबारे न त प्रहरीले खुलाएको छ, न कुनै सरकारी निकायहरू यसबारे खास आधिकारिक रुपमा बोलेका छन् ।