सोमवार, श्रावण २५ गते २०८३
सोमवार , जेठ २५, २०८३
काठमाडौं । संसद बैठक भोलीसम्मको लागि स्थगित भएको छ । केहीबेर अघि सुरु भएको बैठकमा विपक्षी दलका सबै सांसदहरू उठेर विरोध गरेका थिए । विरोध जारी रहेपछि सभामुख डिपी अर्यालले १५ मिनेटको लागि बैठक स्थगित गरेका थिए ।
१५ मिनेटमा पनि बैठक खुलाउने विषयमा सहमति हुन नसकेपछि सभामुख डिपी अर्यालले सूचना टाँसेर मंगलबार एक बजेसम्मको लागिबैठक स्थगि तरेका हुन् ।
प्रधानमन्त्री बालेन शाहको अभिव्यक्तिप्रति आपत्ति जनाउँदै विपक्षी दलले संसद् बैठकमा अवरोध गर्दै आएका छन् ।
आजै बसेको सर्वदलीय बैठकमा पनि यसबारे छलफल भएको थियो । बैठकमा सत्ता र विपक्षी दलहरूबीच सहमित जुट्न सकेन ।
बैठकमा सत्तारुढ दलका नेताहरूले भारत भ्रमण र सीमा विवाद लगायतका विषयमा सभापति रवि लामिछाने र परराष्ट्रमन्त्री शिशिर खनालले बोल्ने प्रस्ताव राखेका थिए ।
यद्यपि विपक्षी दलहरूले उक्त प्रस्ताव अस्वीकार गरे । विपक्षी दलहरूले प्रधानमन्त्री बालेन शाहले नै उक्त विषयमा संसद् बैठकमा पुगेर जवाफ दिनुपर्ने माग राखेका छन् ।
.jpg)
