बालिका बलात्कारको पुरानो भिडियो शेयर गर्दा विवादमा दिल्ली महिला आयोगकी प्रमुख



एजेन्सी । दिल्ली महिला आयोगकी प्रमुख स्वाति मालीवाल मंगलबार ट्वीटरमा एक बालिका बलात्कारको पुरानो भिडियो शेयर गरेर विवादमा घेरिएकी छिन् । विवादपछि मालीवालले भिडियोलाई डिलिट गरेर माफी मागेकी छिन् । उनले शेयर गरेको भिडियोमा बलात्कार पीडितको अनुहार स्पष्ट बुझिएपछि विवाद भएको थियो ।

भारतमा बलात्कार पीडितको पहिचान उजागर गर्नुलाई गैरकानुनी मानिन्छ ।  ‘इण्डियन एक्प्रेस’का अनुसार भिडियो डिलिट गरेपछि माफी माग्दै मालीवालले भनेकी छिन् ,‘ भिडियो शेयर गर्नुको उद्देश्य दोषीको पहिचान उजागर गर्नु थिएन । तथापि मैले भिडियो डिलिट गरिदिएको छु । यदी मैले कसैको भावनामा ठेस पु(याएको छु भने माफी चाहन्छु ।’

हाल डिलिट गरिएको भिडियोलाई मालीवालले दिल्ली प्रहरीलाई ट्याग गर्दै शेयर गरेकी थिइन् । भिडियोसँगै उनले लेखेकी थिइन् ,‘यो हेरेर, म स्तब्ध भएँ । दिल्ली प्रहरी कृपया तत्काल एफआइईआर दर्ता गर्नुस् र यो विकृत मानसिकता भएको मानिसलाई पक्राउ गर्नुस् ।’

उता, दिल्ली प्रहरीका अतिरिक्त जनसम्पर्क अधिकारी अनिल मित्तलले भिडियो दिल्लीको नभएको बताए ।  मालीवालले ट्वीट डिलिट गर्नु अघि २ सय पटक शेयर भइसकेको थियो ।  यस प्रकरणबारे दिल्ली प्रहरीका एक अधिकारीले भने,‘ यो आईपीसीको धारा २२८ए ९अपराध पीडितको पहिचान सार्वजनिक गर्नेसम्बन्धमा० को उलंघन हो तर उनीविरुद्ध हालसम्म कुनै मुद्दा दर्ता भएको छैन ।’