पूर्वराजा शाह दम्पतीद्वारा आफुहरुको स्वास्थयमा चासो र चिन्ता लिएकोप्रति आभार प्रकट



काठमाडौं । पूर्वराजा ज्ञानेन्द्र शाह दम्पतिले एक भिडियोमार्फत आफुहरुको स्वास्थ्यप्रति चासो र चिन्ता गरेकोमा आभार प्रकट गरेका छन् । पुर्वराजा ज्ञानेन्द्र र उनकी पत्नी कोमल शाहले आफ्नो स्वास्थ्यलाई लिएर चासो र चिन्ता लिने सबैलाई धन्यवाद दिएका हुन् ।

सामाजिक सञ्जाल फेसबुकमार्पत एक भिडियो सन्देश जारी गर्दै पूर्वराजा शाहले भनेका छन्, ‘हाम्रो स्वास्थ्यबारे चिन्ता र चासोका साथ शुभकामना दिनुहुने देशभित्र र बाहिर रहेका सबै नेपालीहरुप्रति हामी आभार व्यक्त गर्दछौं ।’

पूर्वराजा शाहले महामारीमा अग्रपंक्तिमा खटिने स्वास्थ्यकर्मी, सुरक्षाकर्मी, सफाइकर्मी तथा सामाजिक कार्यकर्तालाई समेतलाई धन्यवाद दिएका छन् । शाहले हाल आफूहरु पूर्ण रुपमा स्वास्थ्य लाभ लिइरहेको र देश बाहिर र भित्रको अवस्थाप्रति निकै चिन्तित रहेको पनि भिडियो सन्देसमा उल्लेख गरेका छन् ।