चीनमा भएको एउटा दौडमा २१ धावकको ज्यान गयो



काठमाण्डौ । चीनमा एउटा दौडमा सहभागी भएका २१ धावकको ज्यान गएको छ । सय किलोमिटर दूरी भएको दौडमा एक सय ७२ धावक सहभागी थिए । पश्चिम–उत्तर चीनको पहाडी भेगमा पर्ने रिभर स्टोन फरेस्टमा आयोजित प्रतियोगिताका बेला तीव्र गतिको हावासहित कठ्याङ्ग्रिने गरी वर्षा भएपछि उनीहरुको ज्यान गएको समाचारमा जनाइएको छ ।

हिजो भएको दौडमा हराएकाहरुमध्ये आज २१ जनाको शव भेटिएको खबरमा उल्लेख छ । राति पहाडी क्षेत्रमा तापक्रम घटेको हुँदा खोजी कार्य कठिन भएको चिनियाँ सञ्चारमाध्यमले जनाएका छन् । यल्लो रिभर स्टोन फरेस्ट ५० वर्ग किलोमिटर क्षेत्रफलमा फैलिएको छ । एक सय ५१ जनाको उद्धार गरिएको र उनीहरुमध्ये धेरैलाई चोट लागेको बीबीसीले जनाएको छ ।