जिल्ला कारागार गुल्मीका सहयोगी कार्यालयभित्रै मृत



काठमाडौं । जिल्ला कारागार कार्यालय गुल्मीका कार्यालय सहयोगी कार्यालयभित्रै मृत फेला परेका छन्।

रेसुंगा नगरपालिका-१० सिमीचौरका ४४ वर्षीय गोविन्दप्रसाद पाण्डेले मंगलबार बिहान करिब ८ बजेतिर कार्यालयकै एक क्याबिनमा डोरीको पासोमा झुण्डिएको अवस्था मृत फेला परेको जिल्ला प्रहरी कार्यालय गुल्मीका प्रहरी नायब उपरीक्षक पुरुषोत्तम पाण्डेले जानकारी दिए। शवको प्रकृति हेर्दा आत्महत्या जस्तो देखिएको उनले बताए। घटनाबारे थप अनुसन्धान भइरहेको प्रहरीले जनाएको छ।

कार्यालय सहयोगी पाण्डेले यसघि पनि पटक-पटक बिष सेवन गरी आत्महत्याको प्रयार गर्ने गरेको प्रहरीले जनाएको छ। पाण्डेले अत्याधिक मदिरा सेवन गर्ने गरेको पनि प्रहरीले बताएको छ।