भारतमा एकै दिन थपिए करिव ९३ हजार कोरोना संक्रमित



काठमाडौं । भारतमा पछिल्लो २४ घण्टामा ९२ हजार ९०० भन्दा बढीमा संक्रमण पुष्टि भएको छ। अघिल्लो दिन  ८९ हजार १९ जनामा संक्रमण देखिएको थियो। यस्तै‚ पछिल्लो २४ घण्टामा भारतमा ५४० जना कोरोना संक्रमितको मृत्यु भएको छ।

यस्तै‚ सोही अवधिमा विश्वमै सबैभन्दा बढी ब्राजिलमा १ हजार ९३१ जना संक्रमितको मृत्यु भएको छ। यस्तै‚ ४१ हजार नयाँ संक्रमित पहिचान भएको छ। अमेरिकामा थप ६४ हजारमा कोरोना संक्रमण पुष्टि हुँदा ७९० जनाको मृत्यु भएको छ।

विश्वमा कुल संक्रमितको संख्या १३ करोड १३ लाख २७ हजार ८३३ पुगेको छ। १० करोड ५७ लाख १७ हजार ३१४ जना कोरोना संक्रमणमुक्त भएका छन्। २८ लाख ५८ हजार २३१ जनाले कोरोनाका कारण ज्यान गुमाएका छन्।