अन्तर्राष्ट्रियस्तरका सरकारी संस्थाले खोप ल्याउन पाउने



काठमाडौँ । कूटनीतिक नियोग तथा अन्तर्राष्ट्रियस्तरका सरकारी संस्थाले पनि अब कोरोनाविरुद्धको खोप ल्याउन पाउने भएका छन् ।
औषधि व्यवस्था विभागले अब कूटनीतिक नियोग र अन्तर्राष्ट्रिय अन्तरसरकारी संस्थालाई खोप ल्याउन दिने निर्णय गरेको सोमबार एक विज्ञप्ति जारी गरी जानकारी दिएको हो ।

विभागले औषधि वा खोपको आपतकालीन प्रयोगसम्बन्धी संहिता, २०७७ बमोजिम नेपाल सरकारलाई दातृराष्ट्र, अन्तर्राष्ट्रिय अन्तरसरकारी संस्था वा परोपकारी संस्थाले अनुदानमा खोप उपलब्ध गराउने भएमा परराष्ट्र मन्त्रालय एवं स्वास्थ्य तथा जनसंख्या मन्त्रालयको सिफारिसमा औषधि व्यवस्था विभागले आयात अनुमति दिने र नियोगले खोपको प्रयोग प्रतिवेदन स्वस्थ्य मन्त्रालयमा तोकेको ढाँचामा उपलब्ध गराउनुपर्ने जनाएको छ ।


यस्तै, नेपाल सरकारलाई दातृराष्ट्र, अन्तराष्ट्रिय अन्तरसरकारी संस्था वा परोपकारी संस्थाले अनुदानमा खोप उपलब्ध गराउने भएमा स्वास्थ्य मन्त्रालयको सिफारिसमा विभागले आयात अनुमति दिने व्यवस्था मिलाइएको पनि विज्ञप्तीमा उल्लेख गरिएको छ ।