सरकारले थप ५० लाख डोज कोभिशिल्ड खोपको खरिद गर्दै

२० प्रतिशत जनसंख्यालाई पुग्ने


काठमाडौं । सरकारले कोरोनाभाइरसविरुद्धको कोभिशिल्ड खोपको थप ५० लाख डोज खरिद प्रक्रिया अगाडि बढाएको छ ।

स्वास्थ्य तथा जनसंख्या मन्त्रालयका सचिव लक्ष्मण अर्यालले खरिद प्रक्रिया सुरु गरिएको जानकारी दिनुभएको छ ।

त्यसपछि कोभ्याक्स सुविधाअन्तर्गत प्राप्त हुने खोप उपलब्ध गराइने छ । त्यसले २० प्रतिशत जनसंख्यालाई पुग्ने जनाइएको छ ।

दोस्रो पटक कति मूल्यमा खोप खरिद गर्न लागिएको भन्ने यकिन भइसकेको छैन ।

‘सेयरजस्तै उत्पादन कम्पनीले खोप मूल्य बढाउन पनि सक्छन् । तर, हामीले बजारको मूल्यभन्दा सस्तोमा पनि खरिद गर्न सक्छौँ,’ सचिव अर्यालले भन्नुभयो ।

यसअघि भारतको सेरम इन्स्टिच्युटसँग चार डलरका दरमा २० लाख डोज खरिद गर्ने सम्झौता भएको थियो । अग्रिम भुक्तानी गरिएको उक्त खोप १० लाख डोज मात्र ल्याइएको छ ।

आजको अन्नपूर्ण पोष्ट दैनिकमा समाचार छ ।